نصائح ذهبية لجذب العملاء وتحقيق الأرباح في مجال التسويق العقاري | تفاصيل

يواجه الكثير من أصحاب الشركات والعاملين في مجال التسويق العقاري مؤخرًا، صعوبة في حصر عدد كبير من العملاء، وقدم علي السعدني، الرئيس التنفيذي لشركة يونيتس للاستشارات التسويقية عدد من النصائح المهمة التي تعمل على تقليل هذا النسبة، وفقًا لدراسة تحليلية تابعة للشركة.

حيث قال، إن العدد الطبيعي لليدز التي لا تستجيب للشركات والعاملين في مجال التسويق العقاري نسبته بين 25  لـ 35%، كما أوضح أن تلك النسبة زادت بين 50 إلى 60%، لذا قدم عدد من النصائح، وفقًا لدراسة بسيطة عن الوضع الحالي في سوق العقارات.

وتابع، أن هناك افتراضات وتحليلات خاصة بسوق العقارات، كأنسب مواعيد للتواصل مع العملاء، وفيما يلي نستعرض معكم تحليلات الدراسة.

نصائح هامة لجذب العملاء وتحقيق الأرباح في مجال التسويق العقاري

1- أول خطوة عملناها اننا نضيف دايما في كل الكامبينز على المنصات Field لأنسب موعد للتواصل ويكون مانيوال يعني مش اختيارات، واستهدفنا ١٠٠٠ ليد في المرحلة الأولى.

2- تاني خطوة اننا عملنا Automation لليدز مع بعض العملاء انها تنزل عندهم بسرعه سواء بيستخدموا CRM فيه امكانيه ال Integration مع المنصات المختلفه، أو من خلال جوجل شيت.

الهدف من الخطوة دي اننا نسرع عملية التواصل مع العميل فنقدر نشوف الصورة بشكل كامل.

3- الخطوة التالته، كانت اننا ناخد الداتا اللي بتطلع دي نبني عليها تصورات مبدئية عن أنسب مواعيد للتواصل، فنرجع نطبقها على العملاء في Second Call ونشوف النتيجة.

4- الخطوة الرابعة اننا نجمع العدد المطلوب دا على مناطق مختلفة لكن في نفس الفئة السعرية ونفس نوع الوحدات تقريبا كمرحلة أولى.

وتابع أن الشركة واجهتها صعوبة في البداية في التحليل، إنها حددت انسب ميعاد للتواصل مانيوال، وكل عميل كان بيضيف الميعاد بالطريقة المناسبة ليه، فيه ناس كانت تكت 2 الضهر، فيه حد بعد العصر، وفيه ناس تكتب 22:00، إلخ...

المواعيد المناسبة وفقًا للدراسة

كان ممكن نعمل التحليل مانيوال بما انهم Records 1000 بس لكن لجأنا لأحد الأصدقاء عشان يعملنا سكربت سريع يقدر يعملنا Analysis بسيط ويقدر يعمل Categorization بشكل أوتوماتيك لمواعيد التواصل بشكل احنا نقدر نحلل عليه

فعملنا مواعيد كالتالي:

- صباحا من ١٠ الصبح ل ١١ و من ١١ ل ١٢ الضهر.

- بعد الضهر من ١٢ ل ١ و من ١ ل ١ و من ٢ ل ٣ العصر.

- بعد العصر من ٣ ل ٤ و من ٤ ل ٥ ومن ٥ ل ٦ المغرب.

- بعد المغرب من ٦ ل ٧ و من ٧ ل ٨ و من ٨ ل ٩ بلليل.

- بلليل من ٩ ل ١٠ ومن ١٠ إلا ما شاء الله.

النتائج المبدائية

- أكتر فترة زمنية ( اللي هو ما بين الصبح – الضهر – العصر – بلليل) تم اختيارها كانت فترة بعد الضهر يليها الصبح وآخر مرتبة كانت من بعد ٧ المغرب.

- أكتر ميعاد تم تحديده كان من ٤ ل ٥ العصر ويليه على طول من ٣ ل ٤ ويليهم في الترتيب التالت من ل ١٢ ل ١ الضهر.

- أكتر وقت جه فيه فوق ال ١٠٠ ليد كان فيها no answer من ال First call كنسبة مئوية كانت من ٢ ل ٣ بنسبة ٦٢.٥٪ يليها من ١٢ ل ١ بنسبة ٥٩.٩٪ والمرتبة التالته كانت من ٤ ل ٥ بنسبة ٥٣.٤٪.

- أكتر وقت جه فيه تحت ال ١٠٠ ليد كان فيها no answer من ال First call كانت من ١ ل٢ بعد الضهر بنسبة ٥٩.٦٪ يليها من ١١ ل ١٢ الضهر بنسبة ٥٥.٧٪ والمرتبة التالته كانت من ٥ ل ٦ بنسبة ٤٣.٦٪.

- أكتر ميعاد العملاء ردوا فيه كنسبة مئوية كان من ١٠ ل ١١ الصبح بنسبة ٧٣٪ يليها ٩ ل ١٠ و ١٠ ونص بالليل تقريبا بنسبة متوسط ٧٠٪.

- أكتر ميعاد العملاء ردو فيه كعدد كان من ٤ ل ٥ ونص تقريبا، ٩٦ رقم من إجمالي ٢٠٦.

تحليلات النتائج المبدائية

تحليلاتنا الشخصية للنتايج المبدئية دي كانت كالتالي:

- أسوء يوم تكلم فيه عميل صاحب قرار هو أول يوم في الأسبوع، اللي هو في مصر غالبا بيكون يوم الحد، العميل بيكون راجع من أجازه وعنده كم شغل ومهام مستنياه فبيكون مقريف جدا انه ياخد مكالمات خارج حدود الشغل.

- غالبا أنسب ميعاد يوم الأحد مش هيكون خلال ساعات العمل، ممكن تحاول بعد ساعات العمل بداية من الساعه ٥ لإنه اعتباريا بيكون اليوم خلص.

- أنسب فترة كإجمالي كانت بعد العصر لإنه الوقت دا بيكون كل الميتنجز خلصت والمهام الكبيره خلصت وأغلب المشاكل والصدامات الصباحيه خلصت، فبيكون فيه فرصه اننا ناخد مكالمات شخصية.

- أنسب وقت كان من ٤ ل ٥ تقريبا لنفس الأسباب.

- تاني أنسب فترة كانت من ١١ ل ١٢ الضهر في كل أيام الأسبوع ما عدا الحد عشان تقريبا نفس الأسباب السابقة، دي الفترة اللي بتفصل دايما أول اليوم عن باقي اليوم وبتبدأ من ١١ ونص لحد ١ تقريبا.

- أنسب أيام للمكالمات كنت يوم الأربع ويوم السبت، التصورات بتاعت الخميس والجمعه غالبا مظهرتش معانا وارد لما نكبر السامبل تظهر، بس تصوراتنا انه الخميس نهاية الأسبوع والجمعه يوم الفصلان، ممكن عميل تبقى بدأت معاه كلام يكون دي أنسب أيام ليهم، لكن أول مكالمه كان الأربع والسبت أفضل أيام.

دي كانت اغلب النتايج اللي طلعنا بيها في المرحلة دي، زي ما قولت الداتا دي السامبل بتاعها صغير أوي فمش هو الحاجه اللي تقدر تبني عليها قراراتك، لكنها بداية اننا نبني موديول أكبر نقدر نفهم أكتر العملاء.

الفترة الجاية هنحاول نعمل دمج بين أنسب ميعاد مع أفضل يوم ونشوف النسب عاملة ازاي وكذلك أسوء يوم مع أفضل ميعاد.

فيه حاجه مهمة في النهاية انه فيه عملاء كتير بيعانوا من حاجه اسمها Telephonia أو ما يسمي بال Phone Call anxiety هو بيسجل معاك فعلا، لكن بيخاف يرد على المكالمات الغريبة بشكل عام لإنه بيكون عنده توقع انها مكالمات بيعية، وأنه هيضغط عليه يشتري وفي أوقات حالات أصعب بيخاف من المكالمات كلها.

فانته محتاج توازن ما بين المسدجات المختلفة سواء واتساب أو غيره والمكالمات.